Saga mótuð af bílaáhuga og verkþekkingu

Stál og stansar var stofnað árið 1987 í Súðarvogi 48. Starfsemin var upphaflega stansa- og mótasmíði og rekstur renniverkstæðis.

Bílaáhugi starfsmanna varð til þess að starfsemin þróaðist fljótt í smíði og viðgerðir á drifsköftum, rennivinnu og breytingar á jeppum. Árið 1990 flutti fyrirtækið að Vagnhöfða 7 og kom þar upp verslun samhliða verkstæðunum.

Samstarf við þáverandi umboðsaðila Ford um fjórhjóladrifsbreytingar á Ford Econoline leiddi til innflutnings bílavarahluta. Eftirspurnin jókst og sala varahluta varð sífellt stærri hluti starfseminnar.

Sumarið 2007 stækkaði aðstaðan að Vagnhöfða 7 um 633 m². Í dag rekur fyrirtækið 300 m² verslun, vörulager og renniverkstæði og þjónustar viðskiptavini um land allt.